Viyadairy

“ Kuch cheezon ka ant hota nahi… bas hum unke saath chalna chhod dete hain.” Koi ek thi jo zindagi se thak chuki thi. Jin logon par usne apna mana tha , wo sab ek-ek karke ja chuke the. Unhone kuch nahi kaha… bas chhod diya. Woh  ke nadi kinaare baithi thi— jahan log kehte the ki khatam hone wali cheezon ka sach chhupa hai. Aaj uska dil bhi waisa hi suna tha— thanda, shaant, aur bilkul bejaan. Usne nadi mein ek  patthar feka. Paani hil gaya… par uska dard nahi. “Kya sab kuch ka ant hota hai?” Usne hawa ko pucha. Hawa ne jawab nahi diya… bas uske baalon se takra kar uski tanhaayi aur gehri kar di. Tabhi ek patta uske pairon ke paas ruka. Us par likha tha— “Jo dard samajh na aaye… wo kabhi khatam nahi hota.” Uske aasnsu gale mein aakar atak gaye. Usne nadi mein jhaanka— par apna chehra nahi dekha. Usne apne toot chuke pal dekhe: jis waqt usne chaha, par koi laut kar nahi aaya… jahan usne intezaar kiya, par koi samjha nahi. Paani ke beech ek roshni thi— choti si, kamzor si. Jaise...

      🍂💔zindagi ke kuch pal. 🍁 Aaj ka din… mere liye ek final chapter jaisa laga. Jaise kahani yahin tak aani thi. Jo kuch bhi bacha-kucha tha, woh aaj khatam ho gaya. Mujhe sirf ek hi baat ka dukh reh gaya — ki ego aur attitude ne hum dono ke beech jo faasla banaya, woh kabhi mita nahi. Aur is wajah se hum zindagi bhar ek-dusre se door reh jayenge. Aaj mera aakhri moka tha. Usse milne ka, usse baat karne ka, jo kuch dil mein tha… woh keh dene ka. Par shayad yeh moka bhi meri kismat mein nahi tha. Woh pal haath se nikal gaya, aur mere saath ek adhuri इच्छा reh gayi. Sach kahun to… mujhe woh aaj bhi utna hi pasand hai jitna pehli baar tha. Pyaar kabhi kam nahi hua, sirf mohlat khatam ho gayi. Ab kahani ka end yahi hai. Aur is baat ka dar lag raha hai— ki uske bina main kaise chalungi? Main aage badh paungi ya nahin? Ya fir main wahi par ruk jaungi jahan pehle thi? Meri zindagi mein jitna pyaar tha, sab usi se tha. Kaash… ek aur chance hota, to shayad kuch alag ho sakta ...

 “ Jo Kabhi Samjha Hi Nahi Gaya” 😔💗 Kabhi-kabhi lagta hai… duniya ek ajeeb sa manch hai. Ajeeb isliye, kyunki hum jitna khud ko samajhne ki koshish karte hain, log utna hi hume batane lagte hain ki hum kuch bhi nahi. Kitna ajeeb lagta hai na… jab koi tumhare saamne khada ho kar keh de, “Tum kisi cheez ke kaabil nahi ho.” Aur hum… hum bhi pal bhar ke liye unki baat maan lete hain. Sochne lagte hain — shayad sach mein hum layak nahi… shayad hum woh logon ko kabhi pasand nahi aa sakte jinko hum khud pasand kar baithte hain. Par ek baat samajh nahi aati— logo ko humse takleef kya hai? Hum kuch karein ya na karein… unhe isse farq kyun padta hai? Kyu unhe wahi pasand aata hai jise hum apni rooh se door rakhna chahte hain? Aur jo cheez hume khushi deti hai, wo unke nazar mein hamesha galat kyu hoti hai? Shayad… shayad is duniya ki sabse badi samasya yahi hai— log hume apni pasand ka insaan bana kar dekhna chahte hain. Par hum? Hum to sirf apni pasand ka jeevan jeena chahte hain. Aur is ...

 Zindagi ka sabse bada sach yehi hai ki: Hum apne aap ko poora nahi padh paate… toh doosron ko kaise samajh lenge? Phir bhi hum logon ko apne dil se jod lete hain. Unpe bharosa kar lete hain. Unke saath lamhe jeetey hain. Aur kabhi-kabhi unki koi ek personality, ek ek roop, humein hila kar rakh deta hai—kyunki hum sochte hain ki woh hamesha waise hi rahenge jaise humne pehli baar unhe dekha tha. Par zindagi kisi ek roop mein nahi chalti. Insaan bhi waqt ke saath badalta hai. Situations, emotions, dard, expectations—sab logon ko todte aur banate rehte hain. Aur hum? Hum bas itna kar sakte hain ki: Jitna samajh aaye, utna sambhal kar chalein. Jitna dard ho, utna seh kar aage badh jaayein.