💌“Woh Pal Jo Phir Laut Ke Nahi Aaye”

      🍂💔zindagi ke kuch pal. 🍁

Aaj ka din… mere liye ek final chapter jaisa laga.

Jaise kahani yahin tak aani thi.

Jo kuch bhi bacha-kucha tha, woh aaj khatam ho gaya.

Mujhe sirf ek hi baat ka dukh reh gaya —

ki ego aur attitude ne hum dono ke beech jo faasla banaya,

woh kabhi mita nahi.

Aur is wajah se hum zindagi bhar ek-dusre se door reh jayenge.

Aaj mera aakhri moka tha.

Usse milne ka, usse baat karne ka,

jo kuch dil mein tha… woh keh dene ka.

Par shayad yeh moka bhi meri kismat mein nahi tha.

Woh pal haath se nikal gaya,

aur mere saath ek adhuri इच्छा reh gayi.

Sach kahun to…

mujhe woh aaj bhi utna hi pasand hai

jitna pehli baar tha.

Pyaar kabhi kam nahi hua,

sirf mohlat khatam ho gayi.

Ab kahani ka end yahi hai.

Aur is baat ka dar lag raha hai—

ki uske bina main kaise chalungi?

Main aage badh paungi ya nahin?

Ya fir main wahi par ruk jaungi

jahan pehle thi?

Meri zindagi mein jitna pyaar tha,

sab usi se tha.

Kaash… ek aur chance hota,

to shayad kuch alag ho sakta tha.

Lekin jab saamne wala hi saath nahi dena chahta,

to hum kuch kar bhi kya sakte hain?

Aaj sab kuch blank sa lag raha hai.

Aankhon mein aansu rok nahi rahe.

Aur dil ko lag raha hai ki

main ek baar fir wapas usi jagah aa gayi hoon—

jahan se kabhi nikalna chahti thi.

💫❤️

Jab kuch cheezein humse door chali jaati hain na,

tab lagta hai jaise humare andar ka ek hissa bhi saath le gayi ho.

Na kuch karne ka mann karta,

na kisi se baat karne ka.

Aur kabhi-kabhi to jeene ka matlab bhi dhundla sa lagne lagta hai.

Aankhon se aansu rokna mushkil ho jaata hai…

dil samajh nahi paata ki yeh sab kyun ho raha hai.

Jab woh cheez ya woh insaan,

jise humne pure dil se chaha,

jab woh hume milti hi nahi—

to lagta hai jaise poori duniya se hi haar gaye.

Hum kitni bhi koshish kar lein,

kitni baar samjha lein apne aap ko,

par koi bhi sach mein humara yeh dard nahi samajh paata.

Aur isi baat ka bojh aur heavy kar deta hai.

Kabhi-kabhi lagta hai,

“Meri itni chahat bhi kaafi kyun nahi thi?”

“Meri koshish kabhi poori kyun nahi hoti?”

Par phir bhi…

kahin na kahin dil jaanta hai ki

dard ka yeh pal hamesha nahi chalega.

Aaj mushkil hai, bohot mushkil hai…

par poori zindagi aisi nahi rahegi.💕🍁

💖

seKabhi kuch cheezein haath se phisal jaati hain,

jitna pakdo, utna door chali jaati hain.

Par zindagi yahin sikhati hai ek baat—

har khona, har dard, tumhe thoda aur majboot banata hai saath.

Jo nahi milta, shayad woh milne ke liye bana hi nahi,

aur jo tumhare liye bana hai,

woh kabhi tumse door jaata hi nahi.

Isliye rukna mat, tootna mat,

apni kahani ko yahin khatam mat samajh lena—

kyunki har ant ke baad,

zindagi ek naya shuruaat likh deti hai chhupke se. 💗